କନ୍ଧମାଳ ସନ୍ତାନ(ବ୍ୟୁର): ମିଳିତ ପ୍ରାଥମିକ ଶିକ୍ଷକ ସଂଘ ତରଫରୁ ଟିକାବାଲି ବସଷ୍ଟାଣ୍ଡ ସ୍ଥିତ ମା ଭୈରବୀ କଲ୍ୟାଣ ମଣ୍ଡପ ଠାରେ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଗୁରୁଦିବସ କାର୍ଯ୍ୟକ୍ରମ ଧୁମଧାମରେ ପାଳନ କରାଯାଇଅଛି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଟିକାବାଲି ସମିତି ଅଧକ୍ଷ ଶ୍ରୀ ଦିଲ୍ଲୀପ କହଁର ଯୋଗଦେଇଥିଲେ l ଏଥିସହିତ ଚଳିତ ବର୍ଷରେ ଅବସର ନେଇଥିବା ଶିକ୍ଷକ ଶିକ୍ଷୟିତ୍ରୀଙ୍କୁ ମଧ୍ୟ ଅବସର କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଅଛି l ସେଥିମଧ୍ୟରୁ ଜଗନ୍ନାଥ ସାହୁ, ଭଗବାନ ପତି, ଧୁର୍ଯ୍ୟଧନ ପ୍ରଧାନ, ପ୍ରଦୀପ ପାତ୍ରଙ୍କୁ ଉତ୍ତରୀୟ ସହ ସମ୍ବର୍ଦ୍ଧନା ଜ୍ଞାପନ କରାଯାଇଛି l ଯେଉଁମାନେ ଉପସ୍ଥିତ ନ ଥିଲେ ସେମାନଙ୍କୁ ମଧ୍ୟ ପରବର୍ତ୍ତୀ ସମୟରେ ସମ୍ବର୍ଦ୍ଧନା କରାଯିବା ପାଇଁ ସ୍ଥିର ହୋଇଅଛି l ଏହି କାର୍ଯ୍ୟକ୍ରମକୁ ଟିକାବାଲି ବ୍ଲକର ସମସ୍ତ ଶିକ୍ଷକ ଶିକ୍ଷୟିତ୍ରୀ ବହୁତ ସୁନ୍ଦର ଭାବେ ପରିଚାଳନା କରିଥିଲେ l ବିଳାସିନୀ ଦିଗାଳ ଓ ରାଜକମଲ ପ୍ରଧାନଙ୍କ ସୁମଧୁର କଣ୍ଠରେ ସ୍ୱାଗତ ସଂଗୀତ ଗାନ ସମସ୍ତଙ୍କୁ ବିମୋହିତ କରିଥିଲା l ପବିତ୍ର କୁମାର ସାହୁଙ୍କ ଉଚ୍ଚକୋଟିର ମଞ୍ଚ ପରିଚାଳନାକୁ ପଞ୍ଚାୟତ ଅଧକ୍ଷଙ୍କ ସହ ଉପସ୍ଥିତ ସମସ୍ତ ଶିକ୍ଷକ ଶିକ୍ଷୟିତ୍ରୀ କରତାଳି ସହ ଉତ୍ସାହିତ କରିଥିଲେ l ଅଧକ୍ଷଙ୍କ ଗୁରୁଦିବସର ଅଭିଭାଷଣ ମଧ୍ୟ ଅତି ସୁନ୍ଦର ଥିଲା l ଏହି କାର୍ଯ୍ୟକ୍ରମ ଶିକ୍ଷକ ସଂଘ ସଭାପତି ମଧୁସୂଦନ କୁମାର ବେହେରା, ସମ୍ପାଦକ ଭୃଙ୍ଗୁରାଜ ଦିଗାଳ, ସହ ସମ୍ପାଦକ ଉଗ୍ରେସେନ ପ୍ରଧାନ, ଅରବିନ୍ଦ ମହାପାତ୍ର ଓ ଅନେକ ଶିକ୍ଷକ ଶିକ୍ଷୟିତ୍ରୀ ବହୁତ ସୁନ୍ଦର ଭାବେ ପରିଚାଳନା କରିଥିଲେ l
